Три слатки задоволства по старински рецепти. Постарите генерации не можеа да ја замислат масата без нив.
Три деликатеси кои не враќаат детството.Секоја домаќинка знаела да ги подготви, а децата трчале околу нив. Со причина и денес се популарни, а ние ви пренесуваме старомодни рецепти за нивна подготовка.
КОХ
Состојки:
5 јајца
13 лажици шеќер
10 лажици гриз
1 литар млеко
2 ванилин шеќер
Подготовка:
Одделете ги белките од жолчките, а потоа изматете ги белките додека смесата не стане густа. Во белките додадете 10 лажици шеќер, па изматете уште малку. Потоа додадете ги жолчката и гризот полека мешајќи со миксер на најмала брзина. Намастете го плехот и посипете со гриз, па истурете ја масата и печете на 200 степени 20 минути. Кохот е испечен кога ќе порумени и ќе почне да се одвојува од работ на тавата.
Додека се пече кохот, зовријте млеко со 3 лажици шеќер и ванилин шеќер. Ако сакате кохот да биде посочен, користете литар и пол млеко и додадете уште 3 лажици шеќер.
Испечениот кох се прелива со врело млеко (не го преливајте одеднаш). Послужете кога ќе се олади и ќе го впие целото млеко.
ШНЕНОКЛЕ
Состојки:
4 јајца (одвоена жолчка и белка)
100 гр шеќер
околу 2 литри млеко
1,5 лажици брашно (или густин)
1 лажичка екстракт од ванила
2 кесички ванилин шеќер
Подготовка:
Со миксер изматете ги белките додека да се згуснат. Истурете млеко во длабока тава и додадете екстракт од ванила и оставете да зоврие. Кога млекото ќе зоврие, намалете ја температурата, а потоа со лажица извадете ги изматените белки и внимателно испуштете ги во врелото млеко.
Шненоклите варете ги по 1,5 минути од секоја страна, па извадете ги од млекото и наредете ги во сад.
Крем за шенокле
Изматете ги жолчките и шеќерот, па во смесата додајте го згуснувачот или брашното и 2 лажици од млекото во кое се варени шноклите и сè убаво измешајте. Повторно ставете го да зоврие млекото во кое се варени шноклите и намалете ја температурата. Со постојано мешање лесно додадете ја смесата со жолчките и сè заедно варете додека не се згусне.
Кога смесата ќе се згусне, тргнете ја од шпоретот и оставете малку да се излади. Кога преливот ќе се излади, прелијте го врз шноклите. Чувајте ја тортата во фрижидер.
СУТЛИЈАШ
Состојки:
100 грама ориз
750 мл млеко
4-5 лажици шеќер
Прстофат сол
Подготовка:
Варете го оризот во вода околу три минути, а потоа исцедете го. Во млекото сипете сол и ставете го на оган да зоврие. Додадете го оризот и варете на тивок оган додека оризот не го впие млекото, не мешајте.
Во сварениот ориз додадете шеќер и внимателно измешајте за зрната да останат цели.
