Зајакнувањето на имунитетот со витамини, минерали и суплементи не е толку едноставно како што мислиме. Можни се грешки кои дополнително го ослабуваат!
Љиљана Гојковиќ Букарица, професорка по фармакологија и клиничка фармакологија на Медицинскиот факултет во Белград, вели дека постојат строги правила при земање витамини и суплементи и дека ризикуваме здравствени проблеми доколку не ги почитуваме.
Витамин Д или Ц, цинк, сето тоа се супстанци за кои многу слушаме изминативе година и пол поради зајакнувањето на имунитетот, но професорката вели дека бројните заблуди поврзани со нивното земање се опасни.
„Не е баш така едноставно, само да земаме витамини и да го зајакнеме имунитетот. Мораме да бидеме свесни дека нашиот имунолошки систем е многу бавен, дојдовме до фаза кога ваква е ситуацијата на глобално ниво и не е лесно да се промени. Заспаниот имунолошки систем, покрај витамините, тоа подразбира и нов начин на живот и би го препорачала тоа сега, особено за време на корона, доколку луѓето имаат време посериозно да се посветат на тоа“, рече таа.
Нема додатоци кои ќе ги заменат витамините кои ги внесуваме преку храната, рече таа.
„Најважните витамини се преку исхраната, нема такви апчиња што ќе ја заменат исхраната! Ако зборуваме за намален витамин Д, треба да се зема и до 1.000 единици дневно. Липозомалните форми на витамин Д се добри затоа што влегуваат во организмот побрзо, но поголеми дози мора прво да ги контролирате преку проверка на витамините во крвта, бидејќи може да се предозирате.
Ако земаме 1.000 единици дневно, можеме да пиеме суплементи долго време, „додека не изгрее сонцето, па да надокнадиме“, вели професорката.
„Покрај тоа, постојано ви треба храна која има антиоксидативно дејство, по можност витамин Ц во лимоните и другото овошје и зеленчук.
Арапите цедат лимон на пет минути и го земаат со лажица, тоа е многу подобро отколку да го земете одеднаш. Витаминот Ц најдобро е да се зема преку храната, а ако тоа е невозможно, не земајте повеќе од 250 до 500 милиграми“, рече таа.
А што ако земеме повеќе? Тој витамин влегува во урината, создава камења во бубрезите и ја зголемува киселоста на урината. Потоа кандида се населува, а исто така може да биде оштетен ефектот на лековите што ги земаме. Киселоста ја попречува апсорпцијата на одредени лекови. Замислете ако земате огромни дози на аспирин и витамин Ц? Ќе добиете кандида, тоа се случува во болниците, рече таа.
Нема потреба да земате цинк ако сте здрави, предупреди професорката.
„За децата се препорачуваат помали дози на цинк, но тој всушност ја инхибира репликацијата на вирусот преку некои од неговите канали. Ова е еден од неговите ефекти за корона, се зема за време на вирусен напад, ние не ја земавме оваа количина на цинк порано и не би го советувала тоа“, рече професорката на Медицинскиот факултет.
„Бактериите живеат во цревата, имаме милијарда и нешто клетки, а ги има три милијарди. Тие се добри, а ние наследуваме одредени видови бактерии, нашиот микробиом е како посебен универзум. Тие го спречуваат влегувањето на отровите, го регулират шеќерот, имунитетот и умот. А што ако го оштетиме микробиомот? И ќе го оштетиме со огромно количество антибиотици. Потребни се две години за да се вратат бактериите, тоа не смееме да го потцениме“, вели прпфесорката.
