“Нејзиното височество Елизабета II. беше исклучително скромна жена која веројатно нема да биде испратена со ништо повеќе од нејзиниот обичен велшки златен венчален прстен и еден пар од нејзините омилени бисерни обетки кои речиси секогаш ги носеше”, вели Лиза Левинсон. 
Експертот за кралското семејство Лиза Левинсон откри со каков накит би можела кралицата Елизабета Втора да биде испратена. Левинсон верува дека кралицата ќе биде пог ребана со две драги, но не толку вредни парчиња.
-Нејзиното височество Елизабета II. беше исклучително скромна жена која веројатно нема да биде погребана со ништо повеќе од нејзиниот едноставен венчален прстен од велшко злато и еден пар омилени бисерни обетки кои речиси секогаш ги носеше – изјави експертот за Индипендент. 
Левинсон, исто така, откри дека венчалниот прстен на кралицата, кој и припаѓал на мајката на принцот Филип, принцезата Алиса од Батенберг, најверојатно ќе и биде доделен на ќерката на кралицата, принцезата Ана.
Станува збор за платински прстен со единаесет природни дијаманти: тркалезен дијамант од три карати и пет помали камења поставени на секоја страна, а принцот Филип бил активно вклучен во неговиот дизајн. 
Кралскиот коментатор Џош Ром изјави за „Њујорк пост“, дека, сепак, најголемиот дел од накитот ќе и припадне на сопругата на актуелниот крал, Камила, а потоа и на принцезата од Велс, Кејт Мидлтон.
Станува збор за приватна колекција на кралицата Елизабета, која ја добила од своите најблиски, а се состои од бројни дијадеми и друг вреден накит. 
Бисерите се традиционален накит за кралиците во Британија повеќе од илјада години – никогаш немало кралица која не носела бисери“. Порано важеа за ретки, убави, сјајни и колку повеќе ги носите – толку стануваат посјајни – објаснила Лесли Филд, која ја напишала книгата „The Queen’s Jewels“. Традицијата на кралското семејство да носи бисери потекнува од кралицата Викторија, прабаба на кралицата Елизабета Втора.
– Таа на сите свои ќерки и внуки им подаруваше по еден бисер секоја година на нивниот роденден за да имаат доволно бисери за ѓердан до 18-годишна возраст – објасни Филд. 
Таткото на Елизабета, кралот Џорџ Шести, ја продолжил традицијата кога и подарил тенок платинест синџир со два бисери додадени на секој нејзин роденден. Во 1935 година, за време на нејзиниот сребрен јубилеј, дедото на кралицата Елизабета Втора, кралот Џорџ V, ѝ подарил на неа и на нејзината сестра, принцезата Маргарет, бисерните ѓердани што ги носеле на крунисувањето на нивниот татко, кралот Џорџ Шести, во 1937 година. 
Ѓерданите беа изложени додека девојките им мавтаа на толпата од балконот на Бакингемската палата. На денот на нејзината венчавка во 1947 година, Елизабет носеше уште еден ѓердан од два реда бисери, за кои се верува дека всушност се два посебни ѓердани од нејзината богата колекција. 
Таа носеше сличен накит кога ја објави својата свршувачка со принцот Филип претходно истата година и продолжи да ги носи бисерите за други пригоди од висок профил, вклучувајќи го и погребот на Филип во 2021 година. Кралицата има прилично голема колекција на ѓердани, од наједноставни до оние со 5-6 реда бисери, пишува istoriskizabavnik.rs. 
За потсетување, кралицата по чина во четвртокот, а пoгрeбoт е закажан за понеделник, 19 септември. На престолот ја наследи нејзиниот најстар син Чарлс, а неговата сопруга Камила, според декретот на кралицата, ја доби титулата кралица консорт.
