Кралицата Елизабета почина вчера на 96-годишна возраст, а многумина се сеќаваат на нејзината љубовна приказна со принцот Филип, кој почина минатата година на 99-годишна возраст. Двојката беше во брак 74 години.
Седумдецениската љубовна приказна на Филип и Елизабета започна во Кралскиот поморски колеџ во 1939 година, а заврши минатата година со смртта на принцот.
По вчерашното објавување на смртта на кралицата, многумина напишаа дека сега се повторно заедно, додека други ја идентификуваа појавата на двојно виножито на небото над Лондон со кралската двојка.
The sun has appeared behind Buckingham Palace with a double rainbow 💗#QueenElizabeth pic.twitter.com/S4GbujeWOh
— Robyn Haque (@robyn_haque) September 8, 2022
Во 1939 година, 18-годишниот принц Филип ја запознал својата 13-годишна далечна роднина, принцезата Елизабета. Откако се запознале, парот започнал преписка која подоцна прераснала во сериозна врска.
Како што растеше врската, двајцата почнаа да поминуваат повеќе време заедно, што го наведе Филип да прифати работа во офицерско училиште во Англија за да може почесто да ја посетува.
„Тој ги поминуваше викендите со нас и кога училиштето беше затворено, тој помина шест недели во Балморал“, напиша Елизабет во писмото до авторката Бети Шју од 1947 година, кое беше продадено на аукција во април 2016 година.
Queen Elizabeth II & Prince Philip's love story is nothing short of a real-life fairytale. 🤍 (📷: Getty) pic.twitter.com/vWFfFRLsJ3
— E! News (@enews) September 8, 2022
За Елизабета, принцот се откажал од грчките и данските благороднички титули, како и од секое барање за странски тронови и станал британски државјанин со усвојување на презимето на семејството на неговата мајка, Маунтбатен.
На 20 ноември 1947 година, парот се венча на спектакуларна церемонија во лондонската Вестминстерска опатија, истото место каде што принцот Вилијам се ожени со Кејт во 2011 година.
По нивната венчавка, Елизабета и Филип поминале околу две години, од 1949 до 1951 година, живеејќи во Малта, каде што биле стационирани во морнарицата.
Во седумте децении во кои беа во брак, кралската двојка имаше четири деца: принцот Чарлс, роден во 1948 година, принцезата Ана, родена во 1950 година, принцот Ендру во 1960 година и принцот Едвард, роден во 1964 година.
Рамо до рамо тие патуваа низ целиот свет, од Австралија до Америка, Африка и Индија, носејќи го знамето на Комонвелтот, на чело со нејзиното височество.
Тие споделија целосна посветеност на нивните должности, како и товарот на живеење во очите на јавноста. Принцот приватно ја нарекувал кралицата со прекарите „Лилибет“, „Дралинг“ и „Колбас“.
Нивната љубов беше прикажана и во серијата „Круната“, која го следеше политичкото ривалство и љубовната врска на кралицата Елизабета Втора и настаните што ја обликуваа втората половина на дваесеттиот век.
Сопругот на британската кралица Елизабета Втора и љубовта на нејзиниот живот, принцот Филип, почина на 99-годишна возраст на 9 април 2021 година, а една година и пет месеци подоцна, на 96-годишна возраст почина и самата кралица.
Кралската двојка беше во брак 74 години, што го прави војводата од Единбург најдолговечниот сопруг на владејачкото британско кралство.
