Државниот турски институт за статистика (TÜİK) објави годишна стапка на инфлација од 80,21 отсто во август, што е највисока од 1998 година, додека независната група за инфлација ЕНАГ објави бројка од 181,37 отсто.
Годишната инфлација во Турција се искачи на новото 24-годишно ниво од 80,21 отсто во август, нешто под очекувањата според официјалните податоци. Централната банка неочекувано ја намали каматната стапка и со тоа уште еднаш тргна против воспоставената економска логика.
Според неофицијалните податоци на ENAG Inflation Research Group, независна институција основана во 2020 година за следење на инфлацијата во земјата, годишната стапка на инфлација на потрошувачките цени во Турција во јули била 176,01 отсто, што е далеку повисока од официјалните податоци.
ENAGrup Consumer Price Index (E-CPI) increased by 5.86% in August, 2022
E-CPI increased by 181.37% in the last 12 months.
— ENAG (@ENAGRUP) September 5, 2022
Инфлацијата почна посилно да расте од минатата есен, кога лирата падна откако централната банка постепено ја намали референтната стапка за 500 базични поени, на 14 отсто во неортодоксниот циклус на олеснување што го побара претседателот Реџеп Таип Ердоган.
И покрај очекувањата дека не се очекува пад на инфлацијата во следните неколку месеци, банката минатиот месец ја намали основната стапка за дополнителни 100 базични поени на 13 отсто, наведувајќи знаци на економско забавување.
На месечна основа, потрошувачките цени се зголемија за 1,46 отсто, објави Турскиот статистички институт (ТУИК), во споредба со прогнозата на истражувањето на Ројтерс од 2 отсто.
Овие податоци укажуваат на највисока инфлација во 1998 година, кога годишната инфлација изнесуваше 81,4 отсто.
