Американската актерка Џени Гарт (50) од познатата серија „Беверли Хилс 90210“ веќе пет години се бори со остеоартритис, хронична, дегенеративна болест на зглобовите чија главна причина е влошување на зглобната ‘рскавица.
„Кога докторите открија зошто толку ме болат зглобовите при бенигни активности, првата мисла беше дека сум премлада за артритис!“, изјави таа за магазинот People и вели дека болеста е предизвикана од неколку работи: гени, хормонални промени во женското тело, психичка и физичка траума, но и дејство на одредени ензими и хемиски соединенија.
„Ми рекоа дека причината во мојот случај може да биде наследна. Почнав да разговарам со мајка ми и со другите членови на семејството и открив дека и тие страдаат од болки во зглобовите, тие само го сфатија како „нормална состојба“ поради нивната доцна возраст“, рече таа, додавајќи дека нема да дозволи болеста да ја победи.
Таа откри и дека користи волтарен гел кога и е потребно, а внимава и на исхраната. Ги исфрлила сите преработени производи, црвено месо, млеко и млечни производи, односно се што може да предизвика болно воспаление. Таа вклучуваше и храна со антиинфламаторно дејство, од бобинки (природен антиинфламаторен еликсир) и многу риби.
Свесна е, вели, дека артрозата нема лек, но поактивен живот и помага се да биде поподносливо.
