Поранешната министерка за надворешни работи Лиз Трас ќе биде новиот британски премиер, кој ќе седне во жешкото столче на поранешниот премиер Борис Џонсон додека земјата се бори со се поголемата криза во вртоглавото растење на трошоци за живот, беше објавено во понеделникот.
Членовите на Конзервативната партија ја донесоа конечната одлука по гласањето, одлучувајќи се за Трас, чиј против кандидат беше поранешниот министер за финансии Риши Сунак.
Трас водеше кампања со ветување дека ќе ги намали даноците и ќе даде приоритет на економскиот раст, баш во моментот кога што очекува Британија да влезе во рецесија до крајот на оваа година.
Во неделата, таа рече дека “во рок од еден месец ќе го претставиме целосниот план како да ги намалиме даноците” и “да ја поттикне британската економија”.
Подемот на Лиз Трас
Трас стана министер за надворешни работи пред една година, откако имаше низа високи функции во министерствата, вклучително образование, меѓународна трговија и правда, а сега станува трета жена премиер на Велика Британија по Тереза Меј и Маргарет Тачер. Со оглед на тоа што нејзиниот идол е Тачер, некои медиуми веќе и го дадоа прекарот Железната дама 2.0.
Како што истакнува ДВ, Трас се докажала како мајстор за политички опстанок во конзервативните влади и континуирано се искачувала на хиерархијата на моќта, од судството до финансиите и трговијата до Министерството за надворешни работи. Додека десетици нејзини сопартијци “паднаа” како жртви на внатрепартиски политички пресметки и интриги, таа го “преживеа” и последниот бран оставки по соборувањето на Тереза Меј.
Од семејство на левичари
“Политички, нејзиното семејство беше повеќе ориентирана кон левицата, а таа самата призна дека нема традиционално конзервативно потекло. Нејзиниот татко бил професор по математика, а нејзината мајка била медицинска сестра. Малата Лиз била ja нoсеa на протести против атомската енергија, но со таа фаза од минатото таа одамна раскина. Истото важи и за нејзините први чекори во светот на политиката, кога првпат се приклучи на Либералната партија како студент. Подоцна таа епизода ја нарече грев од младоста“, наведуваат тие. .
“Од убеден проевропски ориентиран во пресрет на референдумот за Брегзит во 2016 година, таа со текот на времето се претвори во еден од најжестоките поборници за напуштање на Унијата. Лиз Трас се повеќе се свртува кон десно во последните години, а во меѓувреме се претставува себеси како поддржувач на чистата конзервативна доктрина. И тоа е она што им се допаѓа на членовите на партијата во традиционалните упоришта на ториевците на југот на Англија.
Наследникот на Маргарет Тачер
Трас се гледа себеси како наследничка на Маргарет Тачер. Во 1980-тите, Железната дама ја врати економијата на патот на раст преку приватизација и дерегулација. “Лиз Трус сака да се бори со сегашната инфлација со даночни олеснувања, иако дури и економисти од Банката на Англија ѝ се спротивставуваат на ова прашање, кои стравуваат дека тоа може само дополнително да ја забрза спиралата на раст на цените”, вели ДВ.
И за прв пат во нејзиното владеење, 96-годишната монарх, Елизабета Втора, наместо во Бакингемската палата во Лондон, ќе назначи премиер во нејзиното шкотско повлекување, Балморал.
Ова се случува затоа што кралицата имала проблеми со движењето и била принудена да откаже бројни јавни настапи.
