Познатиот кошаркар Тони Кукоч е во неволја, и тврди дека бил измамен и тешко финансиски оштетен.
Поранешниот југословенски и хрватски кошаркар Тони Кукоч е во неволја поради врската со поранешните финансиски партнери. Еден член на легендарната генерација на Чикаго Булс своевремено беше во центарот на вниманието поради изјавата дека војната по распадот на Југославија немаше да се случи доколку Владе Дивац беше претседател на Србија.
Тој ја обвинува банката дека е меѓу одговорните што го оставиле без 11.000.000 долари!
Имено, Кукоч решил да ја тужи банката „EFP International“, поранешна банка „Svizeria Italiana“, тврдејќи дека оваа швајцарска банка соработувала со неговиот финансиски советник во 2004 година и дека му ги земале парите.
Порталот „Баскетњуз“ пишува дека сите финансиски работи за Кукоч од 1991 до 2004 година ги водел Паоло Банфи со кого немал никакви проблеми. Но, како што стои во обвинението, Банфи се здружил со новиот личен банкар на познатиот кошаркар Паоло Ѕола за заедно да украдат пари. Кукоч ги обвинува дека го фалсификувале неговиот потпис на документи за хипотека на хотел во Лугано.
„Документите наводно покажуваат дека Кукоч потпишал некои од хипотекарните документи во Лугано, Швајцарија во декември 2006 година. Меѓутоа, Кукоч во тоа време не бил во Лугано, Швајцарија и никогаш не ги потпишал документите“, се наведува во тужбата.
Хипотеката на хотелот е околу 7.500.000 долари, а Кукоч ги обвинува дека неовластено зеле вкупно 11.000.000 долари. Другите обвиненија вклучуваат помагање и поттикнување граѓанска кражба, како и прекршување на бројни договори. Зола и Банфи се обвинети дека за три години постигнале повеќе од 300 санкции и ги украле споменатите 11 милиони долари.
Кукоч досега се обидуваше да ја најде правдата во швајцарските судови, но не успеа. Се вели дека швајцарските банки „имаат долга историја на блиски односи со швајцарските судови, законодавци и креатори на политики“.
