Има малку луѓе кои никогаш не го гледале филмскиот класик “Кум” од 1972 година. Филмот и денес се памети со задоволство, а на претстојниот филмски фестивал во Трибека, преостанатата актерска екипа од филмот повторно ќе се обедини по речиси 45 години.
Основачот на Tribeca, Роберт де Ниро , исто така еден од протагонистите на филмот, ќе ги собере режисерот Френсис Форд Копола, Ал Пачино, Дијана Китон, Роберт Дувал, Џејмс Каан и Талија Шиер.
За жал, Марлон Брандо, кој почина во 2004 година, нема да присуствува на овој настан.
Малкумина знаат дека двајцата гиганти на југословенскиот театар беа на прагот да глумат во иконскиот “Кум”. Во своите мемоари “Брилијантно и страшно”, Беким Фехмиу пишува дека во Рим (1971) им бил гостин на Дино де Лаурентис и неговата сопруга, актерката Силвана Мангано, кога во текот на вечерта познатиот продуцент го прашал:
Зошто тој ваш колега не се врати во Лос Анџелес да научи англиски за улогата во филмот “Кум”? Но, сега одлучија, за жал, сите актери да бидат Американци.
Беким потоа пишува:
-Прекрасниот актер Јован Јаничијевиќ Јанаќко, незаборавниот Бурдуш од серијата “Музичари”, еден месец беше во Лос Анџелес. Дури и печатот пишуваше за тоа како тој бил гостин на Џон Вејн. Му била понудена главната улога на Дон Корлеоне во филмот “Кум” под услов да го научи јазикот. Мене веќе ми беше избрана улогата на Мајкл, неговиот помлад син. Јаначко никогаш не се врати во Лос Анџелес.
