И додека добивате бројни совети од нутриционистите, многумина се прашуваат како изгледа исхраната на самите професионалци.
Резултатите можеби ќе ве изненадат, но нутриционистката Кери Гласман открива дека две намирници и еден пијалок играат важна улога во нејзината исхрана.
„Најчестото прашање што го добивам е што јадам секој ден.
Разбирам дека луѓето сакаат да знаат што јадат луѓето од оваа професија за да откријат која храна е добра а што е лоша.
Сепак, пред да ви кажам што јадам секој ден, важно е да се нагласи дека некои намирници кои можеби ми одговараат, можеби на некој друг воопшто не одговараат и обратно.
Имено, секој човек треба да гледа на својата исхрана како индивидуална работа и да и пристапи на истиот начин“, објаснува нутриционист.
Ова се трите работи кои се во нејзината исхрана секој ден:
КАФЕ
„Да, јас сум еден од оние луѓе кои не можат да го започнат денот без шолја топло кафе.
Иако се уште има многу дискусии за тоа дали кафето е добро или лошо за здравјето, јас лично сум негов голем обожавател.
Имено, кафето е богато со антиоксиданси, а пиењето неколку шолји дневно е поврзано со помал ризик од дијабетес, мозочен удар и когнитивни проблеми како депресија или анксиозност“, истакнува нутриционистот, но напоменува дека количината не треба да се претерува.
ЗЕЛЕН ЗЕЛЕНЧУК
„Се обидувам да вклучам зеленчук во онолку оброци колку што јадам, дури и во појадокот.
Зелениот зеленчук е богат со влакна, витамини и минерали, вклучувајќи антиоксиданси и фитохемикалии за кои е докажано дека го намалуваат холестеролот, спречуваат срцеви заболувања и можат да помогнат во намалувањето на ризикот од рак, “ објаснува Кери.
ЈАТКАСТИ ПЛОДОВИ
„Не можете да ја победите комбинацијата од протеини, здрави масти, влакна и антиоксиданси од јаткастите плодови.
Индиските ореви и бадемите се омилени попладневни закуски, исто така и путер од кикирики, додека сончогледот или семките од тиква често ми се во салатите за вечера“, објаснува таа.
