Научниците детално опишаа како изгледаат последните моменти од животот и што се случува во мозокот.
Многу луѓе размислуваат за тоа што се случува по смртта: како изгледаат последните моменти, дали животот навистина „лета“ пред нашите очи и што не чека по последниот здив. Научниците со години се занимаваат со оваа тема, а сега ја решија дилемата – дали умирањето изгледа како процес на заспивање или сме свесни дека исчезнуваме.
„Умирањето е уникатно искуство за поединецот и неговите најблиски. Има многу повеќе од физиолошки промени кои придонесуваат за искуството на умирање.
На пример, личноста на еден човек, нивниот товар од болеста, поддршката од семејството и пријателите, времетраењето на терминалната болест, како и нивната духовност“, објаснува д-р Патрик Стил, специјалист за палијативна нега.
Сепак, постојат одредени физиолошки промени кои се случуваат универзално.
„Редовното дишење може да се промени. Понекогаш може да биде побрзо од нормалното, а понекогаш побавно.
Во последните денови може да има периоди каде што има долги празнини помеѓу вдишувањата. Дишењето може да стане бучно на крајот од животот.
Тоа е акумулација на отпадни производи, тела на секрети. Често повеќе ги вознемирува оние што слушаат отколку поединецот што умира“, опишува Стил.
Организаторот на студијата, д-р Ајмал Земар, неврохирург од Универзитетот во Луисвил, вели дека ова може да значи дека идејата дека животот „лета пред нашите очи додека умираме“ е втемелена во науката.
„Како неврохирург, понекогаш се справувам со загуба. Неописливо е тешко да се пренесе веста за смртта на вознемирените членови на семејството“, рече тој и додаде:
„Нешто што можеме да научиме од ова истражување е следното: иако нашите најблиски имаат затворени очи и се подготвени да не напуштат, нивниот мозок можеби повторува некои од најубавите моменти што ги доживеале во нивните животи“, додаде д-р Земар.
